Roo Hasan
Rwy’n ddatblygwr bwyd, rwy’n dysgu dosbarthiadau coginio ac yn rhedeg cwmni bwyta creadigol.
Sut wnaethoch chi fynd i mewn i fyd bwyd?
IRwyf wedi gweithio mewn ceginau, caffis a digwyddiadau lletygarwch ar hyd fy oes, ond wedi ffurfio fy nghwmni pan symudais i Chamonix, Ffrainc yn 2018. Ond yn sylfaenol, rwy’n meddwl i mi fynd i mewn i fwyd oherwydd mhatriarchiaid fy nheulu, yr amser y gwnaethant dreulio yn y gegin a’u cariad at fwydo pobl. Fy nhreftadaeth gymysg Indiaidd Brydeinig bob tro yw ffynhonnell fy ysbrydoliaeth.
Beth fyddech chi’n ei newid am y system fwyd?
Bod gan fwy o bobl fynediad at adnoddau gwell – cynhwysion o ansawdd gwell, cymorth â chymhorthdal i gael mynediad atynt a dosbarthiadau coginio i’r rhai a allai elwa arnynt. Byddwn hefyd wrth fy modd pe bai gweddill y wlad yn dilyn menter Cymru o Ginio Ysgol Gynradd Am Ddim Cyffredinol erbyn 2024. Dylai mynediad at fwyd iach fod yn hawl, nid yn fraint.
Beth yw llyfr/gwefan neu adnodd arall yn ymwneud â bwyd y byddech yn ei argymell?
Llyfr
Mae ‘na lyfr hen iawn dwi’n berchen arno o’r enw “Indian Delights” sy’n drysorfa o ryseitiau a luniwyd gan wragedd tŷ yn y 60au. Mae’r ryseitiau wedi’u hysgrifennu mewn ffordd debyg i’r ffordd y mae’r menywod yn fy nheulu yn trosglwyddo ryseitiau ar lafar.
Blog
Rwyf hefyd yn mwynhau darllen am hanes bwyd ac mae’r blog hwn gan Dr Eleanor Barnett bob amser yn graff.
Enwch sefydliad neu berson sydd wedi ysbrydoli eich taith fwyd.
Mae fy ffrindiau yn Fferm Three Pools Permaculture yn Llanwytherin bob amser yn fy ysbrydoli. Rwyf wrth fy modd â’r hyn y maent yn ei gynrychioli, eu hethos, eu hymgysylltiad â’r gymuned a sut maent bob amser yn esblygu’r hyn y maent yn ei wneud. Mae gen i gwpl o nosweithiau Cogydd Gwadd gyda nhw ym mis Ionawr ac rydw i’n edrych ymlaen at hynny.
Beth yw eich hoff rysáit?
Mae’n amhosib enwi fy hoff rysáit unigol gan ei fod yn dibynnu ar y tymor a fy hwyliau. Wedi dweud hynny, mae Khitchri yn bryd o fwyd Indiaidd rheolaidd y byddwn i’n ei fwyta’n hapus bron bob dydd gan ei fod fel cwtsh mewn powlen mewn gwirionedd. Mae’n hynod o syml i’w wneud yn ogystal â bod yn faethlon iawn. Gallwch ddod o hyd i rysáit ar fy ngwefan.
